Os inicios do coworking

Acéptase que Brad Neuberg, basándose no concepto de coworking que Bernie DeKovenen acuñara en 1999, foi o primeiro creador dun espazo de coworking. Neuberg deixou o seu traballo nunha gran empresa para comezar a súa carreira como autónomo (freelance). Ó ver que botaba en falla compartir impresións e proxectos cos demais, fundou en 2005 o primeiro espazo de coworking, o Hat Factory. Así converteuse no principal promotor deste modelo colaborativo de traballo, que vai moito máis alá de compartir, sen máis, un espazo de traballo. Nos centros de coworking foméntase o intercambio de ideas entre os coworkers, o emprendemento e a colaboración para desenvolver proxectos que non se poidan cubrir illadamente, xa sexa por falta de recursos ou por falta de coñecemento.

Expansión mundial

En canto a España, temos que dicir que o coworking goza dunha excelente saúde e que nos situamos no terceiro posto do ranking por países, por detrás de EE.UU y Alemania. Sería cousa da crise o será que estamos acollendo especialmente ben o concepto e as vantaxes do coworking; en calquera caso, parece que o coworking chegou a España para quedarse.

Ademais do número de espazos de coworking creados en España, hai varias iniciativas locais para apoiar o concepto. Probablemente a plataforma Coworking Spain sexa a máis importante. Ademais de ter un poderoso motor de procura de espazos e de coworkers, lanzou varias actividades interesantes; como os seus seminarios de coworking ou a Conferencia Coworking Spain, que se celebrará en Madrid os días 17 e 18 de maio.

Vantaxes dun novo estilo de traballo

Se preguntas a calquera coworker cales son as vantaxes de compartir un espazo de traballo, probablemente che dirá que gañou en produtividade e que a súa rede de contactos de traballo (networking) aumentou considerablemente. Pero, ademais, reduciu custos relacionados coa loxística de oficina e agora funciona nun espazo mellor acondicionado. Polo tanto, o modelo de coworking beneficia ós autónomos social e económicamente.

Mellora como profesional

Ata agora, o autónomo ou freelance era un profesional que tendía ó illamento, traballando dende o salón da súa casa e dende o ostracismo do medo a compartir as súas ideas. Fronte a isto, os espazos de coworking ofrecen un clima de traballo óptimo, unhos recursos que nin sequera estarían dispoñibles nunha casa: salas de reunións, intranet, ferramentas de produtividade… e un espazo axeitado para recibir un cliente, facer unha presentación de produto, etc.

A todo isto hai que engadir unas posibilidades de networking considerables que o axudan a crecer profesionalmente. E, sobre todo, a posibilidade de acceder a proxectos e clientes en colaboración con outros autónomos que ata agora eran inalcanzables.

– Novas formas e métodos de traballo

– Compartir ideas e enriquecelas coas doutros coworkers, e incluso facelas realidade xunto con algún deles

– Aforro de custes

– Mellora cualitativa do teu espazo de traballo.

Ademais, estes espazos axudaránche a solucionar o resto dos problemas que che asaltan e que son comúns a todos os autónomos: canto cobrar, como mellorar a túa reputación, como ter éxito sendo autónomo, como conseguir máis proxectos, etc.

A interacción con outros compañeiros de traballo parece ser un factor determinante na túa produtividade. E todos estes centros potencian tanto esta interacción como un ambiente de inspiración, creatividade e innovación.